මා ඔබට පෙම් කල නිසා !

සඳට මම පෙම් කලෙමි
නුඹ මගේ සඳ නිසා
හිරුට මම පෙම් කලෙමි
මගෙ එළිය ඔබ නිසා
මද සුළඟ මම ප්‍රිය කලෙමි
ඔබෙ සුවඳ එහි ඇති නිසා
නිරතුරුම මම ඔබ ලඟ හිඳිමි
මා ඔබට පෙම් කල නිසා !

2013.11.29

හිත තණිවුණ වෙලාවක !

හිත තනිවුණ වෙලාවක
හද වැලපෙන විරාමෙක
ඔබෙ රුව මැවි මැවී
පාවෙලා යයි ඈතට

හදේ වේදනා දරාගෙන
ජීවත්වෙමි හෙටත් මම
ඈතින් දිළෙනා සඳවතට
මගේ දුක මුමුණමින හැමදාම

තරු වැටෙන මොහොතක
එනවාද ළඟට මොහොතකට
වියැකෙන බව දැන දැනම
හිරුට පෙම් කරන පිණි බිඳුව මම

2013.11.29

දෙහදක පැතුමන් විසිරී දස අත අප සිහින මාළිගේ !

කඳුළු ලඟ කීරි ගැහෙන හිත වාවන්නට බෑ
නුඹ ගැන හීන මවන සිත නවතින්නෙත් නෑ
සෙනෙහෙන් මට හිමි උන මේ දුක උහුලන්නට බෑ
මතු භවයක පෙම් කරන්න මට හිත හදන්න බෑ

සෙනෙහෙන් අත් පටලා පෙරදා අපේ ලෝකයේ
යලි කවදාවත් එන්නෑ පෙරදා මගෙ සිහින දෙව්ලි‍යේ
දෙහදක පැතුමන් විසිරී දස අත අප සිහින මාළිගේ
යලි කවදා ඉන්නද ඔබ ළඟ මා නෑ ඔබේ ලෝක‍යේ

2013.11.29

හැමදෙයක හැමවිටම කඳුළක්ම ඇඳිලා !

සැමදෙයක සැමවිටම
කඳුළක්ම රැඳිලා
හස‍රැල්ල හැමදාක
දුර ඈත රැඳිලා
කිසිදාක නෑ මසිත
සතුටින්ම පිරිලා
පෙර සසර කල වැරදි
ඇති යෙමෙකු රිදවා
ඒ වැරදි විඳවන්න
සිත දුකින් පිරිලා
හද වාවන්න බෑ කඳුළු
කැට දෙනෙත පිරිලා
කිසිදිනක නෑ යමෙකු
හදපත්ල කියවා
කිසිදාක නොම ඒවි
සිනා මා සොයලා
නුදුරේම නිමවේවි
දිවිගමන පණ ඇදලා,,,,

2013.11.27

සිතින් මා මියගිය නිසා !

අද නොහඬමි මං
නෙතේ කඳුළු තව නැති නිසා
සිනා නොවෙමි මං
හද තවම වැලපෙන නිසා
දුරින් හිඳිමි මං
ඔබට මා එපා වූ නිසා
යලිත් නොයෙමි මං
සිතින් මා මියගිය නිසා !

2013.11.27

මාද ඔබහට පෙම්කලා !

දන්නවාද ඔබ
මාද ඔබහට පෙම්කලා
සඳුට තරුමෙන්
මුහුදට රළමෙන්
මාද ඔබහට පෙම්කලා

පවසනු බැරිතරම්
ආලය ගුලිකරන්
සත්තයි මේ ඉතිං
මාද ඔබහට පෙම්කලා
සත්තමයි මා පෙම්කලා

2013.11.27

නුඹට ආලය කල තරම් !

කඳුළු වාවනු බැරි තරම්
ජීවිතය සිහිනයක් වූ තරම්
කඳුළු කැට ගිලිහුණ තරම්
නුඹ නොදනී බිඳුවක් තරම්

නුඹට ආලය කල තරම්
සිහිනයක මං උන් තරම්
ඔබ කඳුළු මට දුන් තරම්
කිසිවෙකු නොදනී හිත තරම්

2013.11.26